Tag Archive | "mish vici"

Supë mishi të zier

Supë mishi të zier

Për 6 persona:
* 0,800 kg. mish
* 4 l ujë
* 3 karota
* 1 qepë
* 2 patate
* 3 kunguj të vegjël
* 1 rrepë e pak lakër
* pak kërcej selino
* pak kripë (1/2 lugë gjelle)

Përgatitja:
Në fillim vëmë mishin në tenxheren me ujë dhe e lëmë të ziejë. Pasi të ketë valuar mirë, heqim shkumën, shtojmë kripën dhe të gjitha barishtet të cilat më parë janë pastruar e qëruar. Kur barishtet të jenë zier mirë heqim tenxheren në një anë dhe e lëmë me pak nxehtësi deri sa yndyra të dalë sipër. E gjithë zierja shkon 2-3 orë, por kjo në varësi të llojit të mishit. Në rastin e mësipërm tenxherja mund të jetë me presion, që ul kohën e zierjes së mishit. Pra, perimet apo barishtet hidhen më vonë në tenxhere. Këtë lëng mishi, mbasi e kullojmë me një kullesë në një tenxhere tjetër e vëmë përsëri të ziejë me makarona ose me oriz. Nëse nuk kemi ndërmend ta bëjmë supë, por do ta përdorim si lëng të thjeshtë, atëherë e kullojmë drejt e në supierë, duke i hedhur copa bukë të fërguara. Njëkohësisht servirim edhe mishin në pjatën me barishtet përreth si garniturë.

Mund të bëjmë edhe supë të çastit. Marrim barishtet e ziera (gjysmat e tyre), i grijmë hollë ose i shtypim me pirun brenda supierë s deri sa të treten e pastaj hedhim orizin apo makaronat në një enë posaçërisht për këtë qëllim (enë për zierje makaronash me vrima). E futim këtë brenda tenxheres në një kohë 30-35 minuta para zierjes së mishit. Pra, pas kësaj kohe do të ketë zier mishi dhe së bashku me të edhe makaronat ose orizi. Kështu supa është gati. Heqim enën me vrima ku kemi orizin ose makaronat e ziera, i zbrazim ato në supierë e pastaj kullojmë mbi to lëngun e mishit. Duhet të kemi parasysh që për të bërë një supë, raporti i saj për çdo person duhet një lugë supë oriz, ndërsa makarona pak
më shumë se orizi. Duhet të kihet parasysh nga amvisja që gatuan supën, kur ajo nuk mjafton për aq persona sa janë dhe kur mungojnë vezët, do t’i shtojmë lëng mishi, por në pamundësi do të shtojmë miell patatesh. Kjo mënyrë bëhet kështu: Para se të heqim supën nga zjarri 2-3 minuta, tretim një lugë çaji miell patatesh me pak ujë në një filxhan kafeje, pastaj e hedhim në supë duke e trazuar me lugë.

Kjo sasi supe është e mjaftueshme për 6-7 persona. E heqim nga zjarri, hedhim vezën e prerë me limon duke e përzier dhe e servirim në supierë. Lëngu i mishit për supat ruhet shumë mirë në frigorifer për aq kohë sa të konsumohet.

Posted in SupeComments (0)

Facebook

  • Biftek Lope me Rrush

    Përbërësit për 4 persona:
    4 biftekë lope
    3 kokë qepë
    300 gr kokrra rrush të zi
    200 ml verë e bardhë
    200 ml ujë
    vaj, kripë dhe piper i zi

    Përgatitja:
    I grijmë qepë e i skuqim në vaj. Sipër biftekut hedhim kripë, grijmë piper ë zi dhe i pjekim në skarë. Pastaj, biftekun e pjekur i vëmë në tiganin me qepë. Kokrrat e rrushit
    të zi i presim përgjysmë dhe i hedhim në tigan. Hedhim kripë dhe grijmë piper të zi, Pastaj, në tigan e hedhim verën e bardhë dhe ujin. Tiganin e mbulojmë me kapak dhe e lëmë biftekun të kaurdiset 20 minuta.
    Në tigan tjetër në zjarr hedhim orizin e zier. Qepët i presim në copa të pjerrëta dhe i shtojmë në tigan. Hedhim kripë dhe grijmë piper të zi.
    Me lugë sitë nxjerrim biftekun nga tigani dhe i rendisim shkallë-shkallë në pjatën për servirje. Sipër i servirim kokrrat e rrushit. Në dy skajet e pjatës e servirim orizin me qepët. Sipër biftekut të lopës me rrush hedhim nga salca në të cilën përgatiteshin.
    www.pjata.net

  • Embelsire me Levore Portokalli

    Përbërësit:
    8 vezë
    8 lugë sheqer
    100 gr rrush i terur
    2 lugë galetë
    200 gr arra të bluara
    lëvore portokalli (të ziera te kulluara dhe të ftohura)

    Përbërësit për sherbetin:
    lëvorja e 2 portokajve
    200 gr sheqer
    ujë
    Nevoiten edhe 3dl ajkë e ëmbël për dekorim dhe pak lëvore portokalli

    Përgatitja:
    Fillimish përgatitim lëvoret e portokallit.
    Pastrojmë mirë 2 portokaj,i qërojmë dhe lëvoret e grijmë në katrorë të vegjël.E qesim të zihet.Pasi të vlojë 2-3 minuta ia derdhim ujin dhe përsëri i mbushim me ujë dhe i ziejmë.Këtë proces e përsërisim 3 her.Në të katërtën herë i qesim 6 dl ujë dhe 200 gr sheqer dhe i ziejmë.
    Ky është sherbeti i ëmbëlsirës,të cilit mund t`ia shtojmë edhe lëngun e një portokalli.Nga sherbeti heqim lëvoret e portokallit dhe i lejmë anash se do na duhen për pandispanjën.
    Tani fillojmë me përgatitjen e ëmbëlsirës:
    Rrahim të bardhat e vezëve me sheqer,shtojmë të verdhat e vezëve,galetën,arrat,lëvoret e portokallit dhe rrushin e terur.
    Pjekim në temperaturë 180-200*C.
    E ftohim pak dhe ia qesim sherbetin e nxehtë.Kur të ftohet plotësisht e dekorojmë me shllag dhe lëvore portokalli.

    www.pjata.net

  • Embelsire me Levore Portokalli

    Përbërësit:
    8 vezë
    8 lugë sheqer
    100 gr rrush i terur
    2 lugë galetë
    200 gr arra të bluara
    lëvore portokalli (të ziera te kulluara dhe të ftohura)

    Përbërësit për sherbetin:
    lëvorja e 2 portokajve
    200 gr sheqer
    ujë
    Nevoiten edhe 3dl ajkë e ëmbël për dekorim dhe pak lëvore portokalli

    Përgatitja:
    Fillimish përgatitim lëvoret e portokallit.
    Pastrojmë mirë 2 portokaj,i qërojmë dhe lëvoret e grijmë në katrorë të vegjël.E qesim të zihet.Pasi të vlojë 2-3 minuta ia derdhim ujin dhe përsëri i mbushim me ujë dhe i ziejmë.Këtë proces e përsërisim 3 her.Në të katërtën herë i qesim 6 dl ujë dhe 200 gr sheqer dhe i ziejmë.
    Ky është sherbeti i ëmbëlsirës,të cilit mund t`ia shtojmë edhe lëngun e një portokalli.Nga sherbeti heqim lëvoret e portokallit dhe i lejmë anash se do na duhen për pandispanjën.
    Tani fillojmë me përgatitjen e ëmbëlsirës:
    Rrahim të bardhat e vezëve me sheqer,shtojmë të verdhat e vezëve,galetën,arrat,lëvoret e portokallit dhe rrushin e terur.
    Pjekim në temperaturë 180-200*C.
    E ftohim pak dhe ia qesim sherbetin e nxehtë.Kur të ftohet plotësisht e dekorojmë me shllag dhe lëvore portokalli.

    Burimi: http://receta.mesoshqip.org/2014/02/embelsire-me-levore-portokalli.html#ixzz2uY7ZJoaD

  • Pulë e përgatitur në mënyrë firencase

    Përbërësit:

    * 1 pulë
    * 1 kg spinaq
    * 180 gr gjalpë
    * 330 ml qumësht
    * 200 ml shtalpë
    * 2 vezë të ziera
    * 3 lugë parmezan
    * arrë muskati
    * 2-3 lugë miell
    * vaj, kripë dhe piper i zi

    Përgatitja:

    Pulën e presim në copë, të cilat i ziejmë në tenxhere me ujë. Copët e pulës të ziera i shpëlajmë me ujë të ftohtë.

    Spinaqin e prerë në copë të imëta e skuqim në vaj dhe në gjalpë. Hedhim në të kripë dhe pipër të zi.

    Në zjarr vëmë edhe një tigan, e vëmë gjalpin e mbetur dhe shtojmë 2-3 lugë miell. Hedhim edhe vaj. Përziej më pandërprerë gjatë skuqjes së miellit. Vazhdojmë të përziejmë me telin e kuzhinës dhe në tigan e shtojmë qumështin, hedhim kripë dhe kështu e përgatisim besh¬amel sosin. Pasi sasi e fiton dendësinë e duhur, tiganin e heqim nga zjarri. E grijmë arrën e muskatit dhe e hedhim në tiganin me beshamel sos.

    Mishit të pulës ia largojmë lëkurën dhe kockat dhe e presim në copë të imëta.

    Spinaqin e skuqur, bashkë me yndyrën e vëmë në tavë. Mbi spinaq e vëmë mishin e pulës të prerë në copë. Vezët e ziera i presim në rrathë, të cilat i rendisim në tavë.

    Në fund, në tavë e vëmë beshamel sosin. Sipër beshamel sosit hedhim dy lugë parmezan.

    Tavën e vëmë në furrë. Pjekim 15 minuta në tempera¬turë prej 200 gradë.

    Pulën e përgatitur e presim në copë, të cilat i rendi¬sim në pjatë për servirje. Me shtalpë i zbukurojmë copët e pulës, si dhe pjatën për servirje. Sipër hedhim parmezan.

    www.pjata.net

  • Veze Skoceze

    Përbërësit:

    * 500 gr mish i grirë
    * 3 vezë
    * 1 dl qumësht
    * bukë e grirë
    * tul nga dy feta buke
    * miell
    * 4 vezë të ziera
    * 2 kokë qepë
    * majdanoz, vaj, kripë dhe piper i zi

    Përgatitja:

    Qumështin e hedhim mbi tulin e bukës. Bukën e lëmë derisa ta mpijë mirë qumështin.
    Qepën e grirë e skuqim në vaj. Majdanozin e grirë e vëmë në enën e madhe e të thellë, në të cilën e kemi vënë mishin e grirë.

    Në enë i thyejmë një vezë, e shtojmë tulin e zbutur në qumësht dhe qepën e skuqur dhe të kulluar. Hedhim kripë dhe piper të zi dhe tërë masën e ngjeshim me dorë.

    Pastaj, masën e ndajmë në dy pjesë dhe i shtypim me duar. Katër vezët e ziera i mbulojmë me brumin e mishit të grirë, duke krijuar-dy topa, të cilat i vëmë në tavë me vaj, të cilën e vëmë në furrë. Pjekim 5 minuta, në temperaturë prej 220 gradë.

    E nxjerrim tavën nga furra dhe vezët skoceze i kalojmë në miell, në dy vezë të rrahura dhe në bukë të grirë. Vezët skoceze të përgatitura në këtë mënyrë i skuqim në tenxhere me vaj. I presim përgjysmë dhe i vëmë në pjatën për servirje. I zbukurojmë me kopër.

    Pjatën e zbukurojmë me majonezë dhe me keçap.

    www.pjata.net